Shpallja e ish kryeministrit Sali Berisha ‘non grata’ nga Departamenti Amerikan i Shtetit nuk është kaluar në heshtje nga kandidatët për kryetar të PD.

Që prej ditës kur vendimi i DASH u bë publik përmes sekretarit të shtetit, Antony Blinken, i pari që reagoi ishte kreu i PD, Lulzim Basha.

Ndonëse qëndrimi i tij u komentua gjerësisht në media, Basha theksonte ndër të tjera se vendimi i DASH nuk i cenonte raportet e PD me SHBA.

“Vendimi i Sekretarit të Shtetit nuk cënon arritjet madhore të Shqipërisë nën drejtimin e Sali Berishës, kontributin e tij madhor në demokratizimin e Shqipërisë dhe reformat që e afruan vendin me partnerët tanë Euro-Atlantikë, dhe aq më pak marrëdhënien e shkëlqyer të Partisë Demokratike me Shtetet e Bashkuara të Amerikës. Ne i konsiderojmë SHBA aleatin tonë strategjik më të rëndësishëm për Shqipërinë, dhe luftën ndaj krimit të organizuar dhe korrupsionit si prioritet absolut kombëtar.

Partia Demokratike është e vendosur të vazhdojë pa asnjë kompromis luftën kundër korrupsionit dhe krimit të organizuar, në dobi të demokracisë, shtetit të së drejtës, transparencës dhe mirëqenies së Shqipërisë dhe kombit shqiptar”, shkruante Basha ndër të tjera.

Fatbardh Kadilli

Kandidati për kryetar i PD-së Fatbardh Kadilli u pyet nga gazetarët në një konferencë me mediat nëse do ta përjashtonte ish-kryeministrin Sali Berisha nga grupi parlamentar i Partisë në qoftë se do të bëhet kryetar i partisë.

Ai tha se platforma e tij është për një parti të bashkuar, duke shtuar se Berisha është institucion më vete dhe jo deputet. Kadilli nënvizoi se ish-kryeministri e vendos vetë distancën mes vetes dhe PD-së.

“Unë flas për PD të përbashkuar, nuk ka PD që përjashton. Berisha është institucion, nuk është deputet. Është vetë zoti Berisha që vendos distancën e shëndetshme mes institucionit mes PD-së dhe tij, e them këtë duke pasur parasysh se përse e bëni pyetjen”, tha Kadilli.

Ky i fundit prezantoi sot platformën, e cila synon një PD të bashkuar dhe të hapur, duke listuar edhe zotimet e tij.

Agron Shehaj

Kandidati për kryetar i PD, Agron Shehaj nuk ka preferuar të komentojë vendimin e DASH për shpalljen ‘non grata’ të ish kryeministrit dhe ish liderit demokrat, Sali Berisha.

I pyetur dje nga gazetarët gjatë konferencës së mbajtur pasi u konfirmua nga Kryesia e PD si një nga kandidatët për garën e 13 qershorit, nëse do ta largojë Berishën nga grupi parlamentar nëse fiton postin e kryetarit të PD, Shehaj përmendi meritat e ish kryeministrit për integrimin e vendit në BE.

“Jemi të vetëdijshëm që lideri historik i PD ka kontribut të jashtëzakonshëm në orientimin e vendit drejt perëndimit. Për deklarimit të Berishës non grata personalisht nuk dua të jap asnjë koment”, tha Shehaj.

Edith Harxhi

Shpalljen “non grata” të Sali Berishës, Harxhi e cilësoi si një tronditje për PD, ndërsa tha se ishte trishtuar dhe shokuar nga vendimi.

“Ka qenë një ngjarje e trishtë për demokracinë në Shqipëri. PD ka marrë një shkundje shumë të fortë. Berisha mbetet personalitet ka kontribut të vyer në PD. Edhe unë si shumë demokratë të tjerë, jam shokuar dhe trishtuar”, tha Harxhi mbrëmë në Open.

Lidhur me padinë e Berishës në Francë, ndaj sekretarit Blinken, Harxhi tha se e vlerëson qëndrimin e ish-kryeministrit.

“E vlerësoi qëndrimin e tij për ta kthyer në një betejë individuale”, tha Harxhi

E pyetur në Top talk nëse a do e pranojë ajo mbështetjen e Berishës, në një kohë që ai mori një goditje të fortë nga amerikanët, ajo tha se pa dyshim se PO.

“Po, jam e sigurt që do më mbështesë, se jam më e vjetër, jam e sigurt që do ai do ta bashkojë partinë dhe jo ta përçajë. Nuk kam fol me të por ai do bashkimin e partisë”, tha ajo.

“Zoti Berisha ka një përballje personale ne gjykatë për të mbrojtur siç tha ai dinjitetin e tij dhe me këtë dua tu them se kjo është zgjidhja e tij, ai tha që mbetet pro amerikan i fortë.

PD është një fryt, i SHBA, megjithë mbështetjen që ka marrë në fillimet e saj në vitet 90 , ashtu siç është dhe Berisha me përkrahjen që mori atëherë nga Bush.
Nuk besoj fare që këtu ka një ndarje dhe nuk ka një zgjedhje , për vetë faktin se SHBA mbeten aleat parësor dhe strategjik i PD”, tha Harxhi më tej.

Erion Veliaj që kur u katapultua në MJAFT e më pas në majën e PS-së e pushtetit të Rilindjes, e ka një destinacion fundor. Por cili është ai dhe a është e vërtetë lufta e brendshme e udhëhequr prej tij kundër Edi Ramës, me synim marrjen e Partisë Socialiste?

Për shumëkënd ky duket një konspiracion, por për grupimet brenda Partisë Socialiste dhe strukturave të pushtetit qendror e vendor, kjo ‘luftë’ është e vërtetë dhe madje e mirë-planifikuar.

Është një betejë permanente, e cila ka nisur shumë vite më parë. Herë intesifikohet dhe herë shkon drejt armëpushimit të përkohshëm, por kurrë nuk pushon.

Të dy nuk e fshehin, se janë të përkëdhelurit dhe të investuarit e mëdhenj të Xhorxh Soros në Shqipëri. Se janë të mbrojtur nga tentakulat e tij ndikuese politike, financiare e diplomatike në Europë dhe SHBA.

Por mburoja që marrin prej spinofeve të Soros nëpër kancelaritë perëndimore, nuk do të mjaftonte.

Erion Veliaj kuptoi një ditë se kurrë nuk do t`ja zinte vendin në parti Edi Ramës, vetëm duke shpresuar te Soros dhe ndikimi i tij nëpër shumë kancelari.

Kjo ka ndodhur në periudhën kur ‘Fondacioni’ përpiloj planin e ri konfigurimit të kufijve të Kosovës dhe Edi Ramës ju dha një rol kyç.

Nga ana tjetër rivali i tij kryeministër paralelisht me mbrojtjen diplomatike të siguruar nga Soros, po fuqizohej në mënyrë eksponentciale duke krijuar një shtet, ku shkrirja mafia- biznes- politikë, si dhe kapja e çdo qelize në skenën social-mediatike shqiptare ishte afatgjatë.

Paralel me shndërrimin e vendit në bazën më të madhe logjistike dhe të transitit të drogave të rënda për Europën, pastrimin e miliarda eurove në pak kohë, Rama, krijoi edhe infrastrukturën për të fituar de juro çdo palë zgjedhje.

Që kjo inxhinieri funksionoi, u pa jo vetëm në rezultatin e 25 prillit, por edhe në nxitimin e ndërkombëtarëve për ta njohur pa përfunduar procesi.

Më herët Erion Veliaj kishte kuptuar se për të spostuar shefin-rival nga partia, nuk mjaftonte vetëm mbështetja e Soros dhe spinofeve të tij diplomatike. Përball kishte një Edi Ramë të blinduar nga tutori i përbashkët, por  edhe nga krimi i organizuar i shndërruar në biznes të ligjshëm, me gjithë portofolin e tyre gjigant financiarë.

Duket se ky është momenti që kryetari i bashkisë të ndryshojë strategji dhe të vendos që të bëjë njësoj si Edi Rama; të krijojë edhe ai aleanca ku ngjizen; Mafia-Biznesi- Politika- Media.

Eksperimentin e parë e bëri në 25 Prill. Nëse Rama dhe ‘inxhinierët’ e tij ishin të zënë në atë periudhë me planin makro të votës, Veliaj eksperimentoi me sukses në qarkun e Tiranës.

Si shembull perfekt i kësaj inxhinierie mund të merret turpërimi dhe flakja nga parlamenti i ardhshëm i kryetarit të partisë në kryeqytet, Ervin Bushati dhe katapultimi spektakolar nëpërmjet një lumi votash, i Fatmir Xhafajt.

Ky ishte eksperimenti që Veliaj shpresonte të bënte edhe në parti në rast të një rezultati të ngushtë, por gjithsesi mund të shtyhet për më vonë. Veliaj është nga ata që di të presë, veçse këtë herë ka ngecur në një rrjetë të hedhur përtej detit nga antimafia italiane.

Në datën 22 Janar të këtij viti u publikuan për herë të parë përgjimet e një mega-operacioni të antimafies italiane që kishin vazhduar disa vite,  ndaj organizatës Nragheta.

Lajmi shkaktoi tërmet edhe në Shqipëri, pasi mafia më e egër dhe më e pasur në Europë kishte mbërritur brenda zyrave të bashkisë së Tiranës; në ministrinë e Shëndetësisë dhe në shumë institucione të tjera që japin tendera.

Nuk po flasim për çështjen e incerenatorit të Tiranës dhe 420 milion eurot e tij që sërish ndërlidhen me mafien përtej detit Adriatik!

Në përgjimet e antimafies italiane i dërguari i ‘Ndragheta’ në Shqipëri, Antionio Gallo, del se ka pasur edhe një takim me kryebashkiakun Veliaj për investime në kullat në kryeqytet.

Sipas raporteve ndërkombëtare në 3 vitet e fundit krimi i organizuar ka pastruar në Tiranë 1.6 miliardë euro, nëpërmjet lejeve dhe ndërtimit të kullave.

‘Do dëgjoni në këtë fushatë çudira. Do dalin që kemi qenë shokë në çerdhe me Eskobarin. Do dalin lloj çudirash’, u përpoq ta sfumonte Veliaj skandalin.

Shok me Escobarin vërtet nuk mund të ketë qenë, por nëse është mik e ortak me ata që kanë pastruar vetëm nëpërmjet ndërtimeve në Tiranë miliarda euro në vitet e fundit, po presim të na e thotë SPAK.

Kanë kaluar rreth 5 muaj dhe shumëkush ndoshta e ka harruar, por zyra e Erion Velisë po hetohet për lidhje me Ndraghetan.

Pas presionit të madh të opinionit dhe një pjese të medias, 3 ditë pas publikimit të përgjimeve të antimafies italane, në datë 25 Janar SPAK njoftoi se kishte nisur mbi të dhënat shqiptare të dosjes së antimafies për Ndragheta, procedimin penal nr. 17.

‘Korrupsioni pasiv i personave që ushtrojnë funksione publike’, ‘Grupi i strukturuar kriminal’, ‘Pastrimi i produkteve të veprës penale ose veprimtarisë kriminale’ të kryera në kuadër të grupit të strukturuar kriminal dhe ‘Kryerja e veprave penale nga organizata kriminale dhe grupi i strukturuar kriminal’,  parashikuar nga nenet 259, 333/a, 287 – 28/4 dhe 334 i Kodit Penal’.

Nëse i zbërthen që të gjitha këto veprave penale një e nga një, e nëse SPAK ka vullnetin e pandikuar që ti hetojë e vërtetojë, atëherë Veliaj dhe bashkëpunëtorët e tij do të bënin mirë që planin për marrjen e Partisë Socialiste, ta transformonin në plan për shpëtimin nga shumë vite burg e konfiskim pasurish.

Nuk mund të paragjykojmë SPAK, por përveç përgjimeve dhe fakteve që do të ndiqni në këtë speciale, ai mund të përdorë edhe raportet e ndërkombëtarëve për pastrimin e parave në vendin tonë dhe veçanërisht nëpërmjet ndërtimeve të shumta e gjigante në Tiranë.

Pas 5 muajve, ende nuk dihet se në çfarë niveli janë hetimet e SPAK për Veliajn, por një shtyrje pas  çështjes së plasur papritur dhe çuditshëm, ‘Berisha non grata’, duket se e kanë marrë.

Ndoshta është rastësi, por menjëherë pas zgjedhjeve të 25 prillit Erion Veliaj nxitoi që të bënte dhe reklamonte një vizitë në Uashington DC. Doli në fotografi edhe me ndihmës zëvendësin amerikan të shtetit Mathew Palmer dhe ish-ambasadorin në Tiranë Arvizu.

Mund të ketë shkuar deri në SHBA, edhe për të festuar fitoren e 25 prillit, por edhe për të kërkuar ndihmë.

Gjithsesi, dosja e antimafies italiane me 1 mijë faqe për lidhjet e Ndragheta në zyrat e Erion Velisë dhe investimet e tyre në leje ndërtimi e ngritjen e kullave në qendër të Tiranës është e freskët te zyra e shefit të SPAK, Arben Kraja.

Do të kyçet, do ta përdorë dhe ekzekutojë Drejtësia e Re e amerikanëve, Edi Rama, apo kush tjetër?!

Vetëm atëherë do të mësojmë se cili është stacioni i fundit i Erion Veliajt: Karrigia e Edi Ramës në parti, apo SPAK e më tej?!

Nga Enton Abilekaj –

Ata që e shohin shpalljen non grata të Sali Berishës, si një mbështetje për Edi Ramën, stabilokracinë dhe regjimin, i kërkojnë Partisë Demokratike të mbajë një qëndrim më të fortë në mbështetje të liderit historik.

Deklarata e Lulzim Bashës, që kujdesej të mos lëndonte SHBA, u pa si një mungesë guximi për të reaguar ndaj një padrejtësie që i bëhej opozitës në përgjithësi dhe babait të tij politik në veçanti.

Në këtë linjë logjike, duket sikur opozita është e sulmuar nga jashtë dhe duhet të bashkohet në një front kundër regjimit dhe ndërkombëtarëve, që po punojnë për të. Sikur shoqëria civile gjithashtu duhet të mbrojë me çdo kusht demokracinë nga një koalicion Qeveri – SHBA apo Qeveri – SHBA – BE.

Pyetja që nuk merr dot përgjigje nga ky arsyetim është: Pse SHBA duhet të godiste Sali Berishën pas zgjedhjeve?

Edi Rama i mori zgjedhjet kur Sali Berisha ishte në lista dhe bënte fushatë aktive. Pas njohjes së rezultatit nga ndërkombëtarët, edhe Basha me eksponentë të tjerë të PD deklaruan disa herë publikisht se PD do të futet në parlament, pavarësisht se nuk do i njohë zgjedhjet. Berisha nuk doli kundër këtij vendimi.

Procesi i kontestimit ligjor të zgjedhjeve, po shkon siç dëshiron Edi Rama dhe nuk ka asnjë shans të ndryshojë rezultatin qoftë edhe në një zonë të vetme, ku KAS dhe Kolegji Zgjedhor kanë zgjedhur t’i shërbejnë pushtetit përpara ligjit.

Në këto kushte, pushteti absolut i Edi Ramës nuk kërcënohej nga askush, as nga Sali Berisha me Facebook-un e tij. Pse atëherë duhet ta bënin Shtetet e Bashkuara një favor të panevojshëm për Edi Ramën? Nuk ka asnjë përgjigje racionale në këtë linjë arsyetimi.

Shpallja non grata e Berishës, është një akt i parë kundër Edi Ramës, por jo drejtpërdrejt i lidhur me të. Ai është një qëndrim politik, që tenton të influencojë politikën shqiptare, për largimin e Sali Berishës nga skena, pas 30 vitesh si deputet, 5 vitesh President dhe 8 vitesh Kryeministër.

Është një qëndrim që lidhet me domosdoshmërinë që ka Shqipëria për qarkullimin e elitave politike, si i vetmi vend që drejtohet ende, nga figurat e viteve ’90. Shpreh paaftësinë tonë për të larguar me votë, apo me drejtësi, ata që janë përgjegjës për situatën e mjerë dhe, jo vetëm që nuk largohen, por e kanë kapur për fyti vendin dhe nuk e lënë të bëjë asnjë zgjedhje tjetër.

Në këtë këndvështrim, qëndrimi ndaj Sali Berishës, që është një akt politik, jo juridik, ndihmon kryesisht për Partinë Demokratike. Largimi i Berishës, i heq barrën e trashëgimisë politike që politikisht u gjykua në 2013, ndërsa historikisht do të gjykohet nga brezat e ardhshëm.

Qëndrimi i tij ndaj investimit kryesor të SHBA, Reformës në Drejtësi, penalizonte gjithë Partinë Demokratike, ndaj vendimi i DASH, ishte lehtësues, pasi ia hoqi barrën PD dhe ia ngarkoi Berishës. Nuk lidhet vetëm me SHBA, as vetëm me BE.

Edi Rama me posterin e Berishës dhe Metës, tentoi të trembte votuesit në 25 prill, pasi argumentet politikë kundër sfidantit të vërtetë ishin të pamjaftueshëm. I thirri kujtesës së 2013, kur 1 milion shqiptarë u derdhën në kuti për ta larguar nga Kryeministria.

Në këtë kontekst, kur zgjedhjet mbaruan dhe Sali Berisha me kontributin e tij ishte i pamjaftueshëm për të rrëzuar Edi Ramën dhe kur ndërkombëtarët, edhe për shkak të tij, nxituan të njohin zgjedhjet, nxitja që vjen për të larguar Berishën, nuk është pro, por kundër Ramës, e bën partinë më të madhe të opozitës shumë më të pranueshme, brenda dhe jashtë vendit.

E ekspozon Edi Ramën si politikanin më të vjetër dhe më konfliktual, ia heq alibinë që gjente tek lideri historik i PD-së. I heq Edi Ramës licencën ndërkombëtare për të masakruar zgjedhjet. Krijon premisën për një epokë të re, për rifreskimin e politikës.

Pavarësisht pozitës së vështirë, pavarësisht detyrimit për të mbrojtur liderin historik, PD nuk mund të dalë kundër një akti politik që e favorizon. Largimi i politikanëve që dominuan tranzicionin, është një fillim i mirë për vendin dhe lajm i keq për të gjithë kategorinë, ku bën pjesë edhe Edi Rama

Kush janë në të vertetë raportuesit që paskan marrë për bazë Toni Blinken dhe DASH, për t’i ndaluar hyrjen në SHBA ish kryeministrit Berisha: 

Në mënyrën më të çuditëme DASH, reagon për gazetë “SOT” (dt.21.5.2021),  duke treguar se ata e kanë marrë vendimin bazuar te raportimet e mediave, e  Organizatat Joqeveritare dhe nga vetë qeveria e Edi Ramës.

Kaq na mjafton ne shqiptarëve që perpiqemi të jetojmë të lirë, e jo me vijen e sjelljes të patronazhistëve të edverit të “rilindjes”enveriste, për të kuptuar të verteten e akuzave për të cilat i ndalohet hyrja në SHBA ish presidentit dhe ish kryeministrit të Shqipërisë,  Prof. Dr.Sali Berishës.

Po i marrim me radhë kush janë raportuesit:

Mediat e mediatikët: Në krye të mediave dhe mediatikëve që kanë rrejtë, mashtrua e fallsifikua, gjoja për “bëmat” korruptive të ish kryeministrit Sali Berisha qendron Top Kanali – perfituesi i fondeve e financimeve nga qeveria e edverit dhe trafikantëve të ndryshem pranë edverit. Me shkuarjen e Ben Blushit si drejtor i topit , u perforcua sulmi ndaj Berishes dhe atyre që raportonin me fakte konkrete masakren e vjedhjes  “nën siglen” e inçenatorëve, të miliona eurove nga bashkeshortja e Blushit, Eva Blushi dhe ortaket e saj , të njohur si trafikant , drogaxhi dhe kriminel (edhe të denuar nga gjykatat e shteteve të huaja), por të falur nga drejtësia  e partisë së edverit. Në krye të ketyre qendron “hijëshëm” Edmond Bego, miku për kokë i Taulant Ballës, numri dy i “rilindjes” dhe shpifësi më profesionist i edveristave, i dënuar si shpifës  disa herë nga gjykatat shqiptare. Me këtë rast nuk po mundem pa kujtuar edhe disa nga lumpeni i gazetarëve “model” që shëmtimi surratëror me atë moral e shpirtëror u koncidojnë në mënyrë perfekte. I pari është  Sokol Bala , ish burri një perdorimësh i ministres  të edverit e  mbesës të Beqir Ballukut, Belinda Balluku. Sokoli është dalluar e dallohet si antiberishë dje në Top Kanal e sot në një media tjetër , ku e ka çuar me mision partia… Ndersa i dyti është Muç (ose shkurt “filluronjësi”) Nano , gazetari kontravers , që sipas dekleratës  së tij është palluar nga mbrapa që 16 vjeç nga një Kuçovas, dhe që atëherë vijon të pallohet me dëshirë. Ka vite që pallimin më të mirë e ka gjetur te rilindja e edverit, mirpo sa herë i djegë by…tha nga ky pallim (se ka avancuar edhe në moshë),  shpifë e akuzon Sali Berishen… I treti në radhë vjen fëtyra e vrerosur e gazetarisë,   tregishtori Frrok Çupi të cilit i shpjegohet zulmi i tij antiberishë në sherbim të edverit me vargjet e poetit kombetar hungarez (Shandor Pëtëf):

“Lehni ju or qenër / lehni sa të mbyti /

Do ju hellë një cope kockë/ që t’ju zihet goja, fyti”.

Në fakt Frrokut i zihet goja e fyti me raki , ndersa fëtyra i ka mbetur prej dekadash në shtëpinë e gjetheve. Fill pas Top Kanalit vjen Reporter TV, i italianit kontravers Karlo Bolino, i cili perveç Televizionit boton edhe gazeten (më shumë online), Shqiptarja.com,  ku si rezultat i “lehjeve” pa pushim kundër Berishës, por edhe PD-s, dhe në favorin e edverit dhe rilindjes enveriste ka perfituar miliona euro dhe pasuri , kryesisht troje të grabitura pronarëve me ndihmen e qeverisë që i sherben sipas parimit qenor , qeni ku hanë lehë. Në “lehjen”  mediatike kundër Berishes dhe në favorin e edverit rënditen pa dyshim edhe (Tv)Vizion plus e tjerë, që mbahen vetëm për të “lehur” siç i urdheron edveri e qeveri-partia. Meqense nuk dua të merzisë lexuesit , po e mbylli me mediat vizive me Tv-Klan, që e ka në pronsi rapshjani pa malësori Aleksandër Frangaj, i pas sherbimeve që po i bënë edverit e rilindjes së tij ka perfituar financime e prona publike marramendese… Ndersa nga mediat e shkruara , apo më sakt të shkarravitura, po veçoj gazetat- flet-rrufe, “Tema”,“Sot”, “Dita”, “Shqiptarja.com” etj. Kompion i këtyre flet-rrufeve është padyshim “Tema” e botuar e drejtuar nga Ymer Baze (dallabazja), ose siç e ka emrin “shkurt në shtëpinë e gjetheve” “çorapja”.  Ymeri , ose Merja siç e ka ndryshuar emrin, është modeli i një gazetari profesionist shpifës e mashtrues, me të cilat ka perfituar jo pak nga edveri e qeveria e tij. Merja para disa viteve do të publikonte gjyqin me të cilin kishte ndarë gruan e parë Edi Rama i djeshëm e edveri i sotem, kur Edi deklaronte në gjyq se gruaja e tij e parë djalin, nuk e kishte me të, pasi ai ishte impotent , por e kishte me babanë e tij Kristaq Ramen. Mirpo mbas rrahjes brutale të Mero Bazes nga nipi i Gramoz Ruçit, Gjolekë Malaj, Meroja pas “shërimit” do të kalonte si me magji në frangjinë e sherbimit të edverit dhe sektit të tij , duke shpifur, mashtruar e rrjetur kunder Berishes e familjareve të tij , gjë që e ka bërë edhe pse është dënuar nga gjykatat si shpifës.. Siç njoftova më siper po të vijoj me mediat vizive e të shkruara, me portalet e rrjetet sociale  nuk do mbaroja kurrë këtë haberr, pasi ato shtohen si kërpurdhat mbas shiut… I shton e financon parti-qeveria e edverit, ndaj po “kaloj te OJQ, (organizatat jo qeveritare). OJQ-t prej fillimit të pluralizmit e sot janë ato organizime vetëm perfituese  të donacioneve të nderkombëtarëve dhe atyre vendor. Tash tetë vite edveri i ka selektua OJQ që do ti sherbenin me besnikri prej qeni e qenusheve. Këto OJQ nuk janë të pakta , por dy dallohen për ekstremizmin e sherbimeve që i bejnë rilindjes enveriste të edveristëve, ku keto OJQ, shpifin , mashtrojnë e rrejnë sipas interesave e porosisë se edverit dhe miqëve të tij. E para nga këto OJQ , është ajo për një shoqëri të hapur , e financuar dhe ideuar nga multimiliarderi Xhorxh Soros, i njohur edhe si financuesi i shkollimit e kualifikimit të trashigimtarëve të komunizmit enverist. Kjo OJQ drejtohet nga Dalina Fico , ish gruaja e tretë e Edi Ramës, me të cilen fotografohet në plazhin  lakuriq , ku Dalina dallohet duke i “perkëdhelë” me dorë palloshin. Sot Dalina është gruaja me porosi të Edit e ministrit të brendëshëm të qeverisë së edverit, Bledi Çuçi. Ndersa e dyta është OJQ-ja me emrin miklues “Komiteti i Helsinkit , për mbrojtjen e të drejtave të njeriut”, ku raportimet kundër Berishes janë marrë si të mirqena , veçanarisht  ato, kur kryetare e ketij komiteti ka qenë , beniaminja e edverit, Vasilika Hysi , deputete e PS-s. Raportuesja e fundit , por ndoshta më e besuara nga  DASH dhe Blinden-it , është Edi Rama dhe parti-qeveria e tij, e akuzuar me fakte e dokumente nga PD-ja dhe kryesisht nga Sali Berisha , si qeveri antikombëtare, që bashkëpunon me kriminel, mafioz , trafikant,  drogaxhi, hajdut , të korruptuar, kombëtar e ndërkombëtar, me prapavijë antidemokratike , me të cilët po shkatërron demokracinë dhe vjedhë e grabitë Shqiptarët e Shqipërinë. DASH  dhe Blinden keto informacione tip fletë-rrufe sigurimse-komuniste , nuk do ti kishte besuar sikur në mes si “dorzanë” mos të qendronte multimiliarderi sollak Xhorxh Soros, me kredite të mëdhaja pranë Partisë Demokratike Amerikane , fituese e zgjedhjeve presidenciale të nëntorit (2020)  dhe administrates së saj shtetrore. Edi Rama dhe trashigimtaret e bllokut komunist që kollonisin sot Shqipërinë, janë miqët dhe të perkdhelurit e Sorosit, ndaj dhe ky është perpjekur me të gjitha mënyrat për të ndihmuar qeverinë autokrate të rilindjes dhe kryeministrin autokrat edverin, duke tentuar të paralizojnë, apo mos ndryshe të zhurmojnë Sali Berishen, zërin më të fuqishem që denoncon me fakte e dokumente gjendjen reale-katastrofike, që e kanë çua Shqipërinë trashigimtarët e enverit të hibridizuar me mafien kombetare e nderkombetare , dhe armiqët e shqiptarëve.  Në këto kushte të zhurmëshe, edveri ka menduar se mundet të“harrohet” disi masakra elektorale e 25 prillit, dhe të krijohet “mjegull” në trojet etnike shqiptare të Kosovës , ku ujku serbo-sllav kërkon të rishkyej ndonjë cop Kosovë , me bekimin e edverit dhe ndermjetësimin e Sorosit (të vjetër e të ri).  Në fund nëse Sali Berisha do të ishte i pëfshirë në ato afera korruptive që e  akuzojnë media , OJQ-të dhe Rama (që në fakt janë një) , lindë pyetja , perse Berishen nuk e vë me shpatulla pas muri drejtësia e re e dalur nga vetingu (politik) ,  në duar të partisë-qeveri-rilindje me në krye Edi Ramen e djeshëm apo edverin e sotëm ??.

VOO: Me këtë shkrim haberr , nuk kisha ndërmend të bëjë avokatin e Berishes, pasi ai i di mirë punët e tij, siç dimë ne veprat e tij ndaj Shqipërisë e Shqiptarëve; si antarsimin në KSBE, antarësimin në NATO, Liberalizimin e Vizave, Nëshkrimin e Stabilizim Asocimit me BE-n, si dhe kontributin e tij për pergatitjen e Shqipërisë si Kandidat për në BE. Këto vepra që nuk mund ti mohojnë askush , janë realizuar si rezultat i plotësimit të kushteve të vendosura nga SHBA- BE, ky në krye të këtyre  kushteve qendronte lufta kundër korrupsionit e krimit të organizuar. Si BE-ja dhe SHBA, duke perfshirë edhe Toni Blinker do ta vlersonin e përgëzonin shtetrisht e personalisht Z.Berisha për punen e tij në 8 vitet si Kryeministër i Shqipërisë.  Gjithsesi unë po e mbyllë këtë shkrim haberr , duke besuar në sentencen popullore që thotë: E drejta vonon , por kurrë nuk harron…

Ndue  Bacaj

Shqipëri, me 23 maj 2021