Marash Gilaj
“Mandata e tretë”
Mos e ngatrroni me mandatin e tretë,
Sepse “Mandata” është kumti,
Që lajmëron një fatkeqësi të vërtetë.
Që shpall një zezëditë.
Si një befasi,
që askush s’e ka pritë.
Mos e ngatrroni me sihariqin,
Me të cilin,
rilindja quan skandalet,
dështimet dhe krimin.
Saqë ndihet krenare,
sa herë shkel ligjin.
Fitore quan
shkatrrimin e demokracisë,
Instalimin e monizmit,
Korrupsionin dhe lulëzimin e krimit.
Zëvendsuar me autokraci
e autoritarizëm.
Me narcizëm politik të pakufishëm.
Padishahu nuk bëhet pishman,
Edhe pse e ka katranosur,
Majë plehut me stoicizëm,
do të qëndrojë i krekosur.
Deri kur kështu, more aman!
Duke fluturuar me presh,
mbi suksese imagjinare.
I duket se ka zëvëndsuar Enverin,
Që shqipëtarëve t’ju kall tmerrin,
T’i shalojë, t’u vërë samarin.
Duke na dhuruar ferrin,
e duke na thënë:
“Nënshtrohu e rri ose kundërshto
e nisu natën për hënë.”
Shënjtërinë e votës,
bërë shkërdhatë,
Çnderuar nga qentë e rrugës
mbarë e prapë.
Ca vota vjedhur, ca blerë,
Mijëra nxjerrë pavlerë.
Mos e quani mandati i tretë,
Quajeni “Mandata”
që sjell fatkeqësi,
Tetë vjet gënjeshtra
pa një të vërtetë,
Na lini të bëjmë zgjedhje
si vend në liri.
11 Maj 2021
