Kosovë

Takime historike ne SHBA-s te presidentit Rugova(Foto…)

Nga

January 22, 2022

340

Nga Beqir SINA New York

Rugova i beri shqiptaret mik te medhenje me Ameriken

Klinton :“Gezohem qe Dr. Rugova, ka pasur nje vizite te rendesishme ne  SHBA-s, dhe se takimet e tij me zyrtaret me te larte te Adimistrates ishin te  fryteshme per te dy palet”, Ne jemi te vendosur ne perpjekjet per rikthimin e  te drejtave njerezore dhe politike te popullit ne Kosove, ku Dr Rugova ka nje  rol te rendesishem dhe te admirueshem. Refuzimi i ndaj dhunes dhe durimi i  tij perball represionit serb, deshmon nje kurajo dhe largepamesi”

 Me Ameriken lidhjet e tija dhe vizioni qe kishte Dr Rugova si dhe me keto vizita e takime qe zhvilloi ai ne Shtete e Bashkuara te Amerikes, gjithenje e me teper po kuptohej me mire çeshtja shqiptare e Kosoves, si dhe lufta paqesore per liri e pavaresi. Rugova arriti te shpalose ne Washington D.C. planin prej dhjete pikash, plan i cili solli edhe  lirine e enderruar te shqiptareve me 9 qershor 1999-te. Vite kur Serbia, u  shporre nje here e pergjithmon nga Kosova. Rugova me Shtetet e Bashkuara te  Amerikes u la shqiptareve nje mik te madhe dhe te perjeteshem.

Presidenti Rugova, në Capitol Hill, Kongres dhe Senatin amerikan, si dhe në “Shtëpinë e Bardhë”, “çelsi” ishte ish kongresisti republican Joseph J. DioGuardi.

DioGuardi ishte ai që solli në një séance dëgjimore në Kongresin amerikan – me Grupin e Kongresit për të Drejtat e Njeriut, një delagacion nga Prishtina

Shkurt 1990: DioGuardi shkon në Beograd me stafin e Kongresit të Kongresit për të Drejtat e Njeriut, të kryesuar nga kongresmenët Lantos dhe Porter, për të mbajtur një konferencë shtypi në Beograd rreth shtypjes serbe ndaj shqiptarëve të Kosovës. Më pas ai bën një vizitë të paparalajmëruar në Kosovë për të takuar intelektualë kryesorë, gazetarë dhe aktivistë, përfshirë Dr. Zekeria Cana, Zenun Celaj, Bajram Kelmendi, Ibrahim Rugova, Rexhep Qosja dhe Vetton Surroi.

 Me shkurt 1990 per here te pare presidenti Rugova kryesoi nje delgacion te gjere intelektualesh ne viziten e pare, si politikan ne Shtetet e Bashkuara te Amerikes. Dr. Ibrahim Rugova me nje grup intelektualesh, gazetare dhe aktiviste te njohur te te drejtave te njeriut si : Dr. Zekeria Cana, Zenun Celaj, indjeri avokat Bajram Kelmendi te ftuar nga kongresmeni republikan i njujorkut Joseph DioGuardi, zhvilluan nje seance degjimore te kryesuar nga kongresmenve Lantosh dhe  Porter.

 Me 8 – 9 – janar 1993 , realizohet vizita e dyte e kryetarit te Levizjes  Demokratike te Kosoves ne Shtetet e Bashkuara te Amerikes. Dr Rugova ne krye te  nje delegacioni i shoqeruar nga z Shaqir Shaqiri pati nje sere takimesh me  Administraten e Presidentit Gorge H. Bush(babai i ketij sot) dhe ne institucione te tjera. Ai u takua me z Arnold Kantor n/sekretar per çeshtjet politike ne  Departamentin Amerikan te Shtetit.

Ne kete takim u bisedua per ndihmen 5- milion dollar qe kongresi amerikane i dhuroi Kosoves. Vizita ne Washington D.C. erdhi pasi me pare Rugova qe takuar ne Bruksel me zotin Eagleburger. Rugova  ne keto takime kembenguli per nje intervenim nderkombetar ne Kosove, si rruga  e vetme per te ndaluar konfliktin qe po provokohej sistematikisht nga  rregjimi serb ndaj shqiptareve.

 Me 16 shkurt 1993- Presidenti Rugova filloi nje vizite tjeter ne Shtetet e  Bashkuara te Amerikes ne Institutin Amerikan per Paqe dhe nje takim me zyrtarin  e larte amerikane Carnegie , Rugova kerkoi vendosjen e trupave te OKB-es ne  bashkepunim me NATO-n ne Kosove, venien e Kosoves nen protektorat nderkombetar deri ne pavaresine dhe neutralitetin e plote te saje.

 Ne maj 1994 – ne Nju Jork, ne katedralen kryesore San Patrick ne Manhattan, i  ndjeri kardinal John O’Cnor priti ne nje takim te veçante Dr Rugoven dhe  dha nje meshe te veçante me lutje per Kosoven ne salle ishin rreth 3.000  besmitare. “Gezohem qe Dr. Rugova ka pasur nje vizite te rendesishme ne SHBA-s, dhe  se takimet e tij me zyrtaret me te larte te Adimistrates ishin te fryteshme per te dy palet”, i shkruan presidenti Klinton kongresitit Engel dhe  kogresites Molinari “.

Ne jemi te vendosur ne perpjekjet per rikthimin e te drejtave  njerezore dhe politike te popullit ne Kosove, ku Dr Rugova ka nje rol te  rendesishem dhe te admirueshem. Refuzimi i ndaj dhunes dhe durimi i tij perball  represionit serb, deshmon nje kurajo dhe largepamesi”, shkruan Presidenti  Bill Klinton.

Me maj 1996- gjate nje vizite ne SHBA-s Dr Rugova u takua me Sekretarin amerikan te Shtetit Warren Christopher dhe diplomatin e njohur amerikane Kris  Hill ku u njohe me nismen amerikane per hapjen e misonit te pare amerikane ne  Kosove. Me 12 korrik kongersmeni Eliot Engel pret shiritin e misionit  amerikane ne Prishtine.

 Rugova u takua me ndihmesekretarin amerikan Strob Talbot

Dr. Ibrahim Rugova u takua ne Uashington me Strob Talbotit, ndihmesekretarin shteteror amerikan, i cili ishte edhe ushtrues i detyres se sekretarit te  shtetit.Takimi u zhvillua ne nje atmosfere te ngrohte e miqesore. Zyrtari i  larte amerikan theksoi perkrahjen e fuqishme amerikane per lirine dhe paqen ne Kosove dhe shprehu perkrahjen e madhe amerikane per rrugen paqesore te  zgjidhjes se çeshtjes se Kosoves e per politiken e udhehequr nga dr. Ibrahim  Rugova. Ndersa, Dr Rugova e pershkroi gjendjen ne Kosove si shume te rende e te rrezikshme per shkak te aksioneve te vazhdueshme te forcave serbe dhe masakrimeve te popullesise ne shtepite e veta.

 Rugova kerkoi nga SHBA-te perkrahje edhe me te madhe per luften paqesore te  popullit te Kosoves per pavaresi dhe per zgjidhjen politike te çeshtjes se  Kosoves. Ai i beri thirrje administrates amerikane qe te ndermarre masa  preventive per evitimin e nje masakre mbi popullin e pambrojtur te Kosoves. Dr. Rugova beri thirrje qe udheheqja e SHBA-ve te marre rolin prijes ne zgjidhjen e  çeshtjes se Kosoves.

 Ndihmessekretari shteteror amerikan Strob Talbot e vleresoi te rendesishem fillimin e procesit te bisedimeve mes Prishtines e Beogradit. Ai premtoi  angazhimin e vazhdueshem te SHBA-ve ne kete proces. Ne bisede ishin te pranishem  edhe Robert Gelbardi, i derguari i posaçem per Ballkanin i Presidentit Klinton  dhe i Sekretares se shtetit Medlin Ollbrajt dhe ambasadori i SHBA-ve ne Shkup  Kristofer Hill, i cili eshte angazhuar ne procesin negociator ne Kosove.

Kryetari Rugova dhe anetaret e delegacionit te Kosoves folen ne Fondacionin  Karnegi.

 Dr Rugova dhe anetaret e delegacionit te Kosoves folen edhe ne Fondacionin  Karnegi ne nji paraqitje e organizuar nga Grupi Nderkombetar i Krizes, ndersa dr. Ibrahim Rugova foli per gjendjen e rrezikshme ne Kosove dhe per nevojen e  zgjidhjes se çeshtjes se Kosoves me mjete politike.

 Me 28- maj 1998- Rugova takohet me Presidentin Klinton ne Shtepine e Bardhe

  Ne Washington D.C, ne oren 9:50, sipas kohes lokale, i shtrohet karpeti i kuq  dhe ai zhvillon nje takim 40 minutash me presidentin e Shteteve te Bashkuara te Amerikes, Bill Klinton. Me pase ai takohet me Robert Galbardin, i  derguar special per Ballkanin i presidentit Klinton dhe i Sekretares se shtetit Medlin Ollbrajt. Vizita e kryetarit te Republikes se Kosoves ne SHBA po  percillej me interesim nga mjetet e informimit publik.

 Me vitin nentor te viti 2000- ne kremtimin e pese vjetorit te Marrveshjes se  Dejtonit Presidenti Rugova erdhi ne Shetetet e Bashkuara te Amerikes, si  presidenti i pare i Kosoves se lire. Ai zhvilloi ne kete vizite takime ne Nju Jork, Detroit, Çikago dhe Washington D.C.

 Presidenti Rugova me 2004 u nderua nga Komunuelthi i Pensilvanise me mirenjohjen “Mik i SHBA-ve”

     Ne nje ceremoni te zhvilluar me 26 prill 2004, ne shtetin Pensilvania , Presidentit Rugova iu dorezua mirenjohja “Mik i SHBA-ve” dhe “njeriu qe punon per  ta permbyllur kornizen ligjore per pavaresine e Kosoves”.Zv.guvernatorja e  Pensilvanise znj. Katrin Bejker Noll, ne nje darke te organizuar per nder te  Presidentit Rugova, tha se miqesia e Ibrahim Rugoves ndaj SHBA-ve ka qene jo  vetem ne te mire te Kosoves, por edhe te SHBA-ve. “Fryma juaj e ngrohte e  bashkepunimit eshte nje ideal drejt te cilit aspirojne te gjithe njerezit”, tha  zonja Noll. Ajo ne emer te gjithe qytetareve te Pensilvanise i shprehu  falenderim Presidentit te Kosoves per miqesine ndaj Shteteve te Bashkuara te  Amerikes.

 ”Ne emer te 12 milione qytetareve te Pensilvanise, dua t’ju shpreh lavdate  per arritjet tuaja te jashtezakonshme dhe t’ju falenderoj per miqesine tuaj  ndaj Shteteve te Bashkuara. Vazhdofshi me suksese te medha dhe paqe ne gjithe  perpjekjet tuaja ne te ardhmen”, tha mes tjerash ne fjalen e saj, zonja Ketrin  Bejker Noll (Catherine Baker Knoll).

 Nderkaq, Presidenti Rugova, duke u falenderuar per kete miernjohje tha se ”roli i Amerikes ishte i pazevendesueshem edhe ne jetesimin e aspirates  shekullore te shqiptareve”. “Njohja sa me e shpejte e pavaresise se Kosoves do ta  qetesonte kete pjese te Evropes dhe tere boten”,- tha Presidenti Rugova.  Me 19 shtator 2003 ne Prishtine, rreth 8.00 te mengjesit, mberriti  ish-presidenti amerikan Bill Klinton, i cili qendroje per nje vizite nje diteshe ne  kryeqytetin e Kosoves, ku u nderua me çmimin doktor nderi i Universitetit te  Prishtines. Ish-presidentin Klinton ne aeroportin e Prishtines e priti dhe i deshiroi mireseardhje Presidenti i Kosoves Ibrahim Rugova, shefja e Zyres  amerikane ne Prishtine, Mersi Ris etj. Ne aeroportin e Prishtines Klintonin e  pershendeten edhe disa qindra qytetare. Ish-presidentit Bill Klinton ne nje  ceremoni solemne te zhvilluar ne amfiteatrin e madh te Fakultetit te Filologjkise iiu dorzua titulli “Doctor honoris causa”.

 Nje takim i veçante i ish-presidentit amerikan Bill Klinton me Presidentin e  Kosoves Ibrahim Rugova ne mjediset e Universitetit te Prishtines, takim qe zgjati rreth 40 minuta dhe u zhvillua me dyer te mbyllura u biseduar rreth  çeshtjes se Kosoves. Me mijera qytetare te kryeqytetit dhe nga viset e tjera  te Kosoves, kishin ardhur per te pershendetur ish-presidentin amerikna Bill  Klinton dhe per ta falenderuar ate per te gjitha qe ka bere per lirine e  Kosoves si President i SHBA-ve.