Kryeministri Rama shpalli sot emrat e ministrave të rinj të qeverisë që do drejtojë vendin katër vitet e ardhshme, strukturat e reja drejtuese të PS-sës, emrat e sekretarëve të rinj, të drejtuesve politikë në qarqe dhe kandidatët për kryesinë.
Pas fjalës hyrëse, në një sallë të kuruar me kujdes e të ndriçuar me ngjyrë të kuqe e ku të gjithë mbanin maskë në fytyrë duke ruajtur distancën, Rama foli për mandatin e tretë e synimin për fitimin e mandatit të katërt.
Ai nuk la pas dore as falënderimet e kritikat e rastit pa harruar të ironizojë Partinë Demokratike, të cilën e quajti ‘krijesë amorfe me dhëmballë të prishur’, duke nënkuptuar shpalljen ‘non grata’ të Sali Berishës nga SHBA.
Pak më pas, Rama doli menjëherë në temë.
Pasi prezantoi Lindita Nikollën si kryetaren e re të Kuvendit në vend të Gramoz Ruçit, Rama tha se PS-ja do ketë një strukturë të re drejtuese, pjesë e së cilës bashkë me sekretarët do jetë edhe Akademika Politike.
Në përbërje të saj bie në sy rikthimi i ish-ministrit të Jashtëm, Ditmir Bushati dhe i ish-ministres së Arsimit, Nikolla.
Kryetare Kuvendi
Lindita Nikolla
Përbërja e Akademisë Politike
Kryeministri EdiRama
Sekretarët e PS-së
Servet Pëllumbi, Et’hem Ruka, Lindita Nikolla, Arbër Mazniku, Ditmir Bushati si dhe këshilltarë shqiptarë e të huaj
…
Më tej kreu i qeverisë prezantoi propozimet e reja të sekretarëve të PS-së. Të bie në sy se vendin e Taulant Ballës si Sekretar i Përgjithshëm e merr Damian Gjiknuri. Ndër emrat e rinj që pritet të drejtojnë sekretariatet e reja janë ato të Etjen Xhafës, Romina Kukos e Bojkena Bashës.
Sekretarët e rinj të PS-së
Damian Gjiknuri – Sekretar i Përgjithshëm
Blendi Klosi – Sekretar Organizativ
Etjen Xhafaj – Sekretar për Partinë Dixhitale Socialiste
Anila Denaj – Sekretare për Burimet Njerëzore
Romina Kuko – Sekretare për Marrëdhëniet me Jashtë
Etilda Gjonaj – Sekretare e Gruas
Bojkena Basha – Sekretare për Rininë.
…
Po kështu Rama paraqiti edhe emrat e drejtuesve politikë të PS-së sipas qarqeve. Ai tha se ata do jenë kryetarë fuqiplotë të PS-së në qarqet respektive e do jenë përgjegjës për organizimin e funksionimin e partisë atje. Kryebashkiaku i Tiranës Velia do drejtojë Tiranën, Taulant Balla largohet si drejtues i kahershëm i PS-së në Elbasan për t’i lënë vendi Damian Gjiknurit. Balla kalon në Fier ndërsa Ahmetaj në Vlorë ndërsa kreu i qeverisë harroi të tregojë emrin që do drejtojë Korçën.
Drejtuesit e PS-së në 11 qarqet e vendit
Erion Veliaj – Tiranë
Taulant Balla – Fier
Ardian Çela – Durrës
Damian Gjiknuri – Elbasan
Arben Ahmetaj – Vlorë
Edona Bilali – Shkodër
Ulsi Manja – Dibër
Blendi Klosi – Lezhë
Bledi Çuçi – Berat
Mirela Kumbaro – Gjirokastër
Elisa Spiropali – Kukës
??? – Korçë.
…
Kandidatët për anëtarë kryesie
Ndërkohë pritet të zgjidhen anëtarët e rinj të kryesisë së PS-së. Do jenë 12 fitues, 6 burra e po aq gra në një listë më 20 emra, 10 burra e 10 gra.
Lista me 10 kandidatët burra
Pandeli Majko, Erion Braçe, Ditmir Bushati, Ilir Beqaj, Arben Pëllumbi, Eduard Shalsi, Armando Subashi, Fatmir Xhafaj, Pjerin Ndreu, Ervon Demo
Lista me 10 kandidatet gra
Ogerta Manastirliu, Belinda Balluku, Olta Xhaçka, Ermonela Felaj, Evis Kushi, Milva Ekonomi, Mimi Kodheli, Klotilda Ferhati, Blerina Gjylameti, Almira Xhambulla
…
Në fund, kryeministri Rama prezantoi emrat që do formojnë kabinetin ‘Rama 3’. Pjesa dërrmuese e ministrave të qeverisë janë të njëjtët, ndërsa ka edhe një rikthim siç është ai i Mirela Kumbaros. Ministrat e rinj janë Ulsi Manja, Frida Krifca, Delina Ibrahimi, Bora Muzhaqi e Edona Bilali. Të bie në sy ‘shkrirja’ e Ministrisë së Diasporës, që është drejtuar nga Pandeli Majko e po kështu ajo e Rindërtimit që është dretjtuar nga Arben Ahmetaj.
Kabineti Rama 3
Kryeministër – Edi Rama
Zv.kryeministër – Arben Ahmetaj
Ministre e Jashtme – Olta Xhaçka
Ministër i Mbrojtjes – Niko Peleshi
Minsistër i Drejtësisë – Ulsi Manja
Ministër i Brendshëm – Bledi Çuçi
Ministre e Financave – Delina Ibrahimi
Ministre e Infrastrukturës dhe Energjisë – Belinda Balluku
Ministre e Shëndetësisë – Ogerta Manastirliu
Ministre e Arsimit – Evis Kushi
Ministre e Bujqësisë – Frida Krifca
Ministre e Turizmit – Mirela Kumbaro
Ministre e Kulturës – Elva Margariti
Ministre Për Marrëdhëniet me Parlamentin – Elisa Spiropali
Ministre Shteti për Sipërmarrjen – Edona Bilali
Ministre Shteti për Rininë e Fëmijët – Bora Muzhaqi
Ministre Shteti për Standardet – Milva Ekonomi
BURIMI: HASHTAG.AL
