Zëvendëskryeministri i parë, Artan Grubi, thotë se Shqipëria dhe Maqedonia e Veriut nuk duhet të ndahen në negociatat për fillimin e bisedimeve me BE-në, duhet të vijojë në të njëjtën formë.
Grubi mes tjerash tha se janë të përqendruar për integrim të përbashkët të Maqedonisë së Veriut dhe Shqipërisë në Bashkimin Evropian, pasi që sipas tij ky proces ka filluar së bashku me Shqipërinë.
“Procesi i integrimit të Shqipërisë dhe Maqedonisë së Veriut duhet të vijojë në të njëjtën formë në të cilën edhe e kemi filluar dhe hamendja ne BE që ishte vitin e kaluar për të ndarë Shqipërinë nga Maqedonia e Veriut, sepse Shqipëria pengonte Maqedoninë, ndërsa sot kemi proces anasjelltas. Nuk duhet të ekzistojë por duhet të përqendrohemi në zotimet e në veçanti për integrim të përbashkët të Maqedonisë së Veriut dhe Shqipërisë në BE”, u shpreh Artan Grubi – zëvendëskryeministër i parë.